ஒரு இடத்தை
சுத்த படுத்தி விட்டு
அவன் அமரட்டுமென
தள்ளி அமர்கிறாள் அவள்!!

யாராக
வேண்டுமானாலும்
மாறிவிடுகிறது
தலையணை!

நகம் கடிக்கும் பெண்ணின்
கால் விரல் நகம்!

கடந்து செல்லும் பக்கங்களில்
சிலவற்றை
மடித்து வைக்கிறோம்....

அழைப்பு மணி அடித்துவிட்டு காத்திருக்கிறார்கள் பலர்! தாழிடாத கதவை திறந்து நுழைபவளுக்காக காத்திருக்கிறேன்

வளர்ந்த ஆப்பிள் மரம், கிளையில் பழுத்த பழம், பத்தடி பின்னே!

இறுதி ஊர்வலம், பல்லாயிரக் கணக்கானோர், சாலையில் மிதிபடாத ரோஜா!

வீடு தேடி அலையும் பறவைகள், மதியம் வெட்டப்பட்ட மரம்!

காய்ந்த சருகில் புழுதி மணல், நேற்று பெய்யாத மழை

ஆடி காற்று,
இலைநிழல்களின் நடனம்.
மரமிடையே மின்விளக்கு

பல்கிபெருகி வயிற்றை நிறைத்துவிடுகிறது சென்ற வேலை உணவு விட்டுச் செல்லும் ஒரு துளி பசி!

கையில் ஒட்டிய பட்டாம் பூச்சி சிறகின் நிறம் மலரிலிருந்து அங்கு ஒட்டியிருக்குமோ??

இலை நுனி துளி தரை தொடும் பயணம் நம் வாழ்க்கை!

பலர் விளையாடி
வீசி எறிந்த உணர்ச்சிகளை ஏந்தி கொண்டிருக்கிறேன்.
உடைந்த பொம்மையுடன் விளையாட தயங்குவதில்லை குழந்தைகள்!

ஒரு நொடிதான் என்னை பார்த்திருப்பாய்,
ஓர் யுகமாய் பார்த்து கொண்டிருக்கிறேன் அந்த பார்வையை!